Die Zuchler Fasnacht 2024 ist Geschichte – auch dieses Jahr war sie wieder gut besucht und brachte gute Laune für Gross und Klein.
Die Kindergarten-Chesslete am Donnerstagmorgen war wie immer ein grosses Highlight der Zuchwiler Fasnacht. Viele Kinder strömten vom Gemeindehaus über die Hauptstrasse, durchs Quartier und zurück zum Ausgangspunkt.
Der traditionelle Kindermaskenball in der Pisoniturnhalle war auch dieses Jahr wieder ein voller Erfolg. Am Samstag, 10. Februar, fanden sich zahlreiche begeisterte Kinder in fantasievollen Kostümen ein und verwandelten die Halle in einen magischen Ort. Ohne die Unterstützung der vielen Helfer*innen wäre dieser wunderbare Nachmittag nicht möglich gewesen.
Auch der Fasnachtsbetrieb in den teilnehmenden Zuchler Restaurants war sehr gut besucht, und das närrische Treiben dauerte bis weit in die Morgenstunden. Die ausgelassene Stimmung wurde in allen Beizen unterstützt durch Schnitzelbänkler, Guggenmusiker und Livemusik.
Fasnacht ist cool! Machen Sie doch mit. Jeglicher Art! Klatschen, mitfeiern, mitanpacken, mitsingen, und und und…
Merci!
Die Zünfte Sans Gêne,
Provinznarre und Sans-Gêne Zunftmusik
Möchten Sie an der Zuchler Fasnacht mithelfen? Dann melden Sie sich: info@spenglerei-wirz.ch oder info@provinznarre.ch
Müsterli vom Bänklisinge
D Pirate
I üsere schöne Gmeind in Zuchu louft jo vieles guet
Mir wüsse jo nit ganz genau wora das liege tuet
Doch heisst der Präsident und ou der Kassier schliesslich Marti
Villicht liegts ou a däm die beide mache gärn e Party
S’Joli macht jetzt mängs Johr mit a dere schöne Fasnacht
Ihre zu Ehre haute mir – morn e chlini Andacht
Mir Narre froge üs drum scho – isch jetze würklich fertig
Das würd de sicher Träne ghä bi üs ou ganz schön heftig
Im Widder z’Zuchu isch es schön und mi cha ou guet ässe
Ou Fasnacht macht meh super mit das hei si nit vergässe
Nur müesse mir jetzt am Hilari ganz schön früecher starte
Denn es wott jo keine meh so lang uf d’Narre warte
Sit 15 Johr isch jetzt der Stefan Chef im Martinshof
Mir finde das famos und toll und ou ganz guet fürs Dorf
Denise und der Stefan si mit ihrem Team ganz Spitze
Doch leider verstoht der Chef do in fasch gar nie üsi Witze
Schnuderbuebe
s‘105i – Das isch mir nöi
Es Auto vo Taff het me in Zuchu gsichtet,
die hei vo däm sogenannte «Edgar-Cut» brichtet.
Und wo fingsch dä Gwafför? Ganz offesichtlich:
«Zuchwil liegt in der Nähe von der Stadt Zürich»
s‘747i – …das isch aber (nid) nätt Zuchu isch bekannt, dir wüsset’s eventuell.
Sehr usländerfründlich und multikulturell.
Doch Zuchu wenn dir würklich so wäutfründlich sid
Wiso seit niemer im nöi Beizer, wieme Burger King schribt?
s‘222i – Zuchu isch Chinderfründlich
Chinder dr Spüuplatz wird wider abbout,
wenn dir nume lut sid. Das isch drum nid erloubt.
Kes Flueche, kes Göisse und ou kes Schreie
und nume no lislig vom Grüschte abe-gheie.
D’Senne vo Zuchu
Äs richtigs Feschtli das chasch ha mit auem drum und dra
Und wär dört d’Party Höude si das isch doch au scho klar
muesch nur zum FC abe go de chasch se ou scho ghöre
Party Mädu und Party Mike si dört lut am gröle
Ä Gurmet-Perle in Zuchwil isch neu dr Burek King
ir Linde wieder öpis neus do längsch dir nur a Gring
kei Shushi und kei Stake gits me ou s’neue wird nüt bringe
denn wenn me ganz guet ine luegt si aui d’Schueh am binge
Ganz vüu Teer und ganz vüu Chies isch dr Postplatz z’Soledurn
doch was die häre gmurgset hei isch eifach nur ä Hohn
gseht grusig us und choschtet vüu mi cha das fasch nid fasse
dä hat me gschider z’Gränche bout dört würd är häre passe.
